Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Gnaphalium sylvaticum

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Gnafale(-de-bos)

Gnaphalium sylvaticum

Asteraceae Compositae

Noms en français : Gnaphale des bois, Perlière des bois.

Descripcioun :
Planto pulèu de bos e de fourèst sus terraire safrous. Fai uno longo espigueto emé de flour coumpausado que li bratèio soun negro. La cambo èi pelouso e li fueio an uno souleto costo (de regarda dessouto).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Gnaphalium
Famiho : Asteraceae
Famiho classico : Compositae
Tribu : Gnaphalieae
Ordre : Asterales

Coulour de la flour : Brunello
Petalo : >6
Ø (o loungour) enflourejado : 4 à 5 mm
Flourido : Estiéu

Sòu : Si
Autour basso e auto : 0 à 2200 m
Aparado : Noun
Jun à avoust

Liò : Pelouso - Champino - Bos clar
Estànci : Coulinen à Subaupen
Couroulougi : Bourealo
Ref. sc. : Gnaphalium sylvaticum L., 1753 (= Omalotheca sylvatica (L.) Sch.Bip. & F.W.Schultz, 1861 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Vitis riparia x Vitis rupestris & Gnaphalium sylvaticum

ges

Coumpara Lambrusco(-bastardo) emé uno autro planto

Coumpara Gnafale(-de-bos) emé uno autro planto